Ж. Мөнхсайхан нь 2020 оны 1 сараас эхлэн Тэнгэр Даатгал компанийн гүйцэтгэх захирлаар томилогдон ажиллаж байна. Жаргалсайханы Мөнхсайхан нь 2014 оны 10-р сараас 2015 оны 12 сар хүртэл Тэнгэр Даатгал ХХК-д Гүйцэтгэх Захирлын орлогчоор ажиллаж байсан туршлагатай.

Тэрээр 2010-2014 оны хооронд Тэнгэр Санхүүгийн Нэгдэл, Олон Улсын Санхүүгийн Корпораци (IFC)-аас хөрөнгө оруулсан БНХАУ-ын Шинжаан Уйгарын Өөртөө Засах Автономит Улсын нийслэл Үрэмч хот дахь ТианРонг Бичил Санхүүгийн Байгууллагад төслийн зөвлөх, Гүйцэтгэх захирлаар ажиллаж байсан. Ж.Мөнхсайхан нь 2000 оноос 2010 хүртэл ХасБанкинд Салбарын менежер, Салбарын Үйл Ажиллагааны Газрын захирал, Зээлийн Хэлтсийн захирал, Картын Төвийн захирал, Маркетингийн Газрын захирал, Бүтээгдэхүүн Хөгжлийн Хэлтсийн захирал, Хэрэглээний Банкны Хэлтсийн захирлаар ажиллаж байсан туршлагатай.

Ж.Мөнхсайхан нь ХҮДС-ийг санхүү, нягтлан бодох бүртгэлийн чиглэлээр бизнесийн удирдлагын бакалавр, АНУ-ын Вашингтон хотын Страйер Их сургуулийг төслийн удирдлагын чиглэлээр бизнесийн удирдлагын магистрын зэрэгтэй төгссөн.

Хатагтай Б. Заяа нь Тэнгэр Даатгал ХХК-д Андеррайтинг хариуцсан захирлаар 2017 оноос хойш ажиллаж байна. Тэрээр даатгалын салбарт сүүлийн 9 жил ажилласан туршлагатай бөгөөд 2010 онд Энэтхэгийн Даатгалын Академид, 2016 онд Японы Даатгалын Сургуульд даатгалын чиглэлээр мэргэжил дээшлүүлсэн. Заяа нь Мандал Даатгалыг үүсгэн байгуулагчдын нэг бөгөөд байгууллагын даатгалын газар, томоохон төслүүдийг олон улсын давхар даатгалд байршуулах ажлыг хариуцаж байсан. Мөн 2013 онд Дэлхийн Банкнаас хэрэгжүүлсэн Даатгалын салбарын эрсдэлийн удирдлагыг сайжруулах төсөлд зөвлөхөөр ажиллаж байсан. Тэрээр АНУ-ын Өмнөд Флоридагийн Их Сургуулийг Маркетинг, Олон Улсын Бизнес чиглэлээр Бакалаврын зэрэгтэй төгссөн.

Ж.Баатарболд нь 2020 оны 1 дүгээр сард Тэнгэр Даатгал ХХК-д Иргэдийн даатгал хариуцсан захиралаар томилогдсон. Тэрээр 2004 онд ХасБанкинд Жижиг дунд бизнесийн зээлийн мэргэжилтнээр ажлын гараа эхлүүлж тус банкинд Салбарын захирал, Бүсийн захирал, Салбарын удирдлагын хэлтсийн захиралаар 2020 оны 1 сар хүртэл тус тус ажиллаж, иргэдийн банкны чиглэлээр олон өөрчлөлт, шинэчлэлтийн төслүүдийг амжилттай удирдсан туршлагатай. Мөн ХБНГУ-ын Шпаркассэ банкны Монгол дахь сан, Монголбанк, Монголын Банкны Холбооноос хамтран хэрэгжүүлж буй төслийн “Харилцагчид зөвлөх банкны мэргэжилтний сургалт”-ын мастер сургагч багшаар ажилладаг. Жуковын Баатарболд нь Санхүү эдийн засгийн дээд сургуулийг банкны удирдлага мэргэжилээр бизнесийн удирдлагын бакалавр, Люксембургийн Их Гүнт улсын Люксембургийн их сургуулийг банк санхүүгийн мэргэжилээр магистерийн зэрэгтэй төгссөн.

.

Б.Оюун нь Тэнгэр Даатгал ХХК-н Эрсдэл хариуцсан захирлаар 2020 оны 2-р сараас эхлэн томилогдон ажиллаж байна. Тэрээр даатгалын салбарт 10 жил ажилласан туршлагатай бөгөөд ажлын гараагаа Тэнгэр Даатгал ХХК-д Актуарчаас эхлүүлж, Бизнес хөгжүүлэлтийн хэлтсийн захирал, Эрсдэлийн удирдлагын хэлтсийн захирал зэрэг албан тушаалуудыг тус тус хашиж байсан. Б.Оюун Монголын Актуарчдын Нийгэмлэгийн гүйцэтгэх захирлын үүргийг давхар хариуцаж, тус мэргэжлийг хөгжилд хувь нэмрээ оруулахаар ажилладаг.

Б.Оюун нь Ломоносовын нэрэмжит Москвагийн их сургуулийг Математикч, системийн программист мэргэжлээр төгссөн бөгөөд магистерийн зэргээ Австрали улсын Мельбурны их сургуулийг Актуарын шинжлэх ухааны чиглэлээр хамгаалжээ.