БИДНИЙ ТУХАЙ
КОМПАНИЙН ТАНИЛЦУУЛГА
“Тэнгэр Даатгал” ХХК нь анх 2001 онд даатгалын тусгай зөвшөөрөл авсанаас хойш 23 жил үйл ажиллагаагаа тасралтгүй явуулж байна. Тэнгэр Даатгал ХХК нь 2023 оны байдлаар Монгол Улсын хэмжээнд нийт 18 даатгалын компанийн 238 салбар, 12 төлөөлөгчийн газар болон нийт 63 даатгалын зуучлагч компанийн 405 салбараар дамжуулан 713 даатгалын бүтээгдэхүүн үйлчилгээг нийт 1.3 сая даатгуулагч хувь хүн болон 266 мянган гаруй байгууллагын эрсдэлийг шилжүүлэн авсан байна.
Бид Тэнгэрчүүддээ мэргэжлийн ур чадвар, бизнесийн ёс зүй, хүнлэг хандлагатай байх шаардлагыг тавьж хамт олноо бүрдүүлж ажилласнаар харилцагч, даатгуулагчдынхаа эрэлтэд нийцсэн эрсдэлийн удирдлагын шийдэл бүхий бүтээгдэхүүн, үйлчилгээг үзүүлэхийг хичээж сайжруулсаар ирлээ. Бидэнд итгэж эрсдэлээ шилжүүлж байгаа байгууллага, хувь хүмүүст мэргэжлийн түвшний үйлчилгээг үзүүлэх, учирч болзошгүй эрсдэлээс урьдчилан сэргийлэх зөвлөмж, зөвлөгөө өгөхийн зэрэгцээ даатгалын талаар мэдлэг, мэдээлэл түгээх, даатгалын гэрээний онцлог нөхцлүүдийг тайлбарлах уулзалт, сургалт тогтмол зохион байгуулж, харилцагчдынхаа санхүүгийн боловсролд хувь нэмэр оруулан ажиллах нь бидний зарчим юм.
Алсын хараа
Даатгалын зах зээлд мэргэжлийн стандарт тогтооно.
Эрхэм зорилго
Даатгалаар хамгаалагдсан ирээдүйг иргэн бүрд.
Үнэт зүйлс
Бид хэтийн зорилт, эрхэм зорилгодоо хүрэхийн тулд дараах зүйлсийг өдөр тутмын үйл ажиллагаандаа эрхэмлэн ажиллана. Үүнд: Хүртээмжтэй, санаачлагатай, харилцагч төвтэй, нийгмийн хариуцлагатай, эрч хүчтэй, мэргэжлийн.
Тогтвортой, хариуцлагатай, ил тод байх үүрэгтэй санхүүгийн байгууллагын хувьд олон улсад хүлээн зөвшөөрөгдсөн хөндлөнгийн аудитын Ernst&Young, Delloite компаниудаар сүүлийн арав орчим жил дараалан санхүүгийн тайлангаа хянан баталгаажуулалт хийлгэж ирснээр олон улсад хүлээн зөвшөөрөгдсөн үнэлгээг хийлгэдэг, олон улсын нэр хүнд бүхий хувь нийлүүлэгчдийн бүтэц, засаглалын сайн туршлагын үр дүнд зохицуулагч байгууллагын (СЗХ) хүлээлтэд нийцсэн даатгалын салбарын жишиг санхүүгийн компани болж төлөвшиж байна. Бид харилцагчдынхаа эрсдэлийг хариуцагчийн хувьд өөрийн компанийн өдөр тутмын үйл ажиллагаа, цаашдын бизнесийн стратегид эрсдэлийг хамгийн бага түвшинд байлгах шаардлагыг түвшин бүрт хэвшүүлж тогтвортойгоор өрсөлдөх чадвараа нэмэгдүүлж байна.
Даатгалын салбарын хөгжилд хувь нэмэр оруулах, олон улсын түвшинд хүргэхэд бидний хэрэгжүүлж байгаа цахим (дижитал) даатгалын үйлчилгээ тодорхой хэмжээнд ахиц түлхэж болсон гэж харж байна. Цахим даатгалын үйлчилгээ, технологид хөрөнгө оруулалт хийснээр даатгуулагч, харилцагчиддаа бүтээгдэхүүн үйлчилгээг хурдан шуурхай, хялбар, цахимжсан хэлбэрээр хүргэх суурийг тавьсан билээ. 2020 онд бид харилцагчдынхаа хэрэгцээ шаардлагад нийцүүлж www.tengerdaatgal.mn онлайн платформ дээрээ суурилсан гар утасны аппликэйшн хөгжүүлсэн ба харилцагч энэхүү аппликэйшнээрээ цаг хугацаа, орон зайнаас үл хамааран даатгуулах боломжтой болсон ба даатгалын тохиолдолд гар утаснаасаа осол, эрсдэлээ баримтжуулаад нөхөн төлбөрийн хүсэлт гаргаж, явц, шийдвэрлэлтээ хянах боломж зэргийг тус тус бүрдүүлсэн билээ.
БИДНИЙ ТҮҮХ
2023
- 2023 онд "Эрчим хүчний хэмнэлтийн даатгал"-ын үйлчилгээг зах зээлд нэвтрүүлэв.
- Гэр бүлийн багц даатгалын бүтээгдэхүүн зах зээл танилцуулав.
- Шинээр байгуулагдсан "Даатгалын зах зээлийн холбоо"-ны гишүүнээр элсэв.
2022
- Олон улсын давхар даатгалтай, Ковид-19 даатгалын нэмэлт эрсдэлийг хамгаалсан Гадаад зорчигчийн гэнэтийн осол, эрүүл мэндийн даатгалын гэрээг шинэчлэн байгуулав.
- Хувьцаа эзэмшигч солигдож Монгол Улсын Даатгалын зах зээлд тэргүүлэгч Мандал Санхүүгийн Нэгдлийн бүрэлдэхүүнд шилжив.
2021
- Тэнгэр Даатгал ХХК-ийн 20-н жилийн ой тохиож нийгэм, олон нийт, харилцагчид руу чиглэсэн арга хэмжээнүүдийг амжилттай зохион байгууллаа.
- Дэлхийн Даатгалын түүхэнд томоор бичигддэг BHSI (Berkshire Hathaway Specialty Insurance)-ийн зүгээс Тэнгэр Даатгал ХХК-ийг Монгол Улс дахь хамтрагч, төлөөний Компаниар ажиллах хүсэлт ирүүлж, хамтын ажиллагааг эхлүүлсэн.
- МҮХАҮТ-с бизнесийн салбарын оны онцлохуудыг шалгаруулах "Entrepreneur 2021" ёслолын арга хэмжээ болж Тэнгэр Даатгал ХХК нь Даатгалын салбарын Оны онцлох Энтрепренероор шалгарлаа.
2020
- Ковид-19 цар тахлын нөхцөлд ажиллах Эрсдэлийг давах төлөвлөгөөг боловсруулж, баталж ажилласнаар ажиллагсад болон харилцагчдадаа ямар нэгэн хүндрэлгүйгээр бизнесийн тогтвортой байдлыг хангаж ажилласан.
- 2020 оны 10-р сард Edaatgal аппликейшныг албан ёсоор нээж гар утаснаасаа даатгалаа хийх, нөхөн төлбөрөө шийдүүлэх боломжийг зах зээлд нэвтрүүлсэн
2018
- Цахим даатгалын шинэ систем нэвтрүүлсэн.
- Тэнгэр Даатгал ХХК нь Монголд анх удаа American International Group-тэй онцгой эрхтэйгээр хамтран ажиллах гэрээ байгуулав.
- ISO:2015 Чанарын удирдлагын тогтолцооны стандартыг үйл ажиллагаандаа нэвтрүүлсэн.
- Бармаш ХХК-ийн байранд гарсан галын их хэмжээний хохирол болох 1.7 тэрбум төгрөгийг төлж барагдуулснаар тухайн обьектыг түрээслэгч ААН-ийн хувьд Хариуцлагын даатгалаар бусдад учруулсан хохирлоо даатгалаар барагдуулж эрсдэлээс ангид үлдсэн амжилттай түүх болсон
2017
- Үндэсний үйлдвэрлэгч Говь ХК-ийн агуулахад гарсан галын хохирлын нийт дүн болох 2.6 тэрбум төгрөгийн нөхөн төлбөрийг богино хугацаанд олгов.
2013
- 2013 оны 9-р сард Тэнгэр Даатгал ХХК нь Тэнгэр Санхүүгийн Нэгдэл компанийн 100%-ийн хөрөнгө оруулалттай охин компани болсон.
- Бага, дунд орлоготой иргэдийн хэрэгцээ, шаардлагад нийцүүлсэн, тэднийг олон талт эрсдэлээс урьдчилан сэргийлэх ажлын хүрээнд "Тэнгэрлэг Монгол Иргэн" багц даатгалын бүтээгдэхүүнийг боловсруулж зах зээлд шинээр нэвтрүүлсэн нь бага хураамжаар олон төрлийн даатгалын бүтээгдэхүүн үйлчилгээг авах боломжийг нээж өгсөн билээ.
2010
- Монголын томоохон аж ахуйн нэгжийн 250 орчим төлөөлөл оролцсон “Эрсдэлийн удирдлагын форум”-ыг амжилттай зохион байгуулж харилцагч байгууллагуудад эрсдэлийн зөвлөмж хүргэж суурийг амжилттай эхлүүлсэн.
- МҮХАҮТ-аас нийгэм эдийн засгийн хөгжилд үнэтэй хувь нэмэр оруулсан компанийн сайн засаглалыг нэвтрүүлэгч оны шилдэг энтрепренерээр шалгарсан.
- Бичил даатгалын туршилт, хөгжүүлэлтэд зориулж Bill Gates сангаас 100,000 ам.долларын тэтгэлэг авснаар бичил бизнес эрхлэгчдэд зориулсан хүртээмжтэй даатгалын судалгаа, бүтээгдэхүүний анхны загваруудыг боловсруулсан.
2009
- Монголын даатгалын салбарын шилдэг байгууллага - МҮХАҮТ-ын “ХҮРЭЛ МЕРКҮРИ”
- Удирдах ажилтны хариуцлагын даатгалыг зах зээлд нэвтрүүлсэн.
2005
- Прайм Женерал Даатгал ХХК болгон нэрээ өөрчлөв.
2001
- Тэнгэр Даатгал компани нь Бат Даатгал нэртэйгээр 2001 онд Тэнгэр Санхүүгийн Нэгдэл болон Петровис компанийн хөрөнгө оруулалттайгаар байгуулагдсан.
ТӨЛӨӨЛӨН УДИРДАХ ЗӨВЛӨЛ
ШАРАВПЭЛЖЭЭГИЙН ГАНТУЯА
ТӨЛӨӨЛӨН УДИРДАХ ЗӨВЛӨЛИЙН ДАРГА
Түмэннасангийн Батзул
ТӨЛӨӨЛӨН УДИРДАХ ЗӨВЛӨЛИЙН ГИШҮҮН
Ринчиннямийн Амаржаргал
Төлөөлөн удирдах зөвлөлийн хараат бус гишүүн
Цэвэгмидийн Түмэнцогт
Төлөөлөн удирдах зөвлөлийн хараат бус гишүүн
Галзагдын Туул
Төлөөлөн удирдах зөвлөлийн хараат бус гишүүн
УДИРДЛАГЫН БАГ
ЖУКОВЫН БААТАРБОЛД
ГҮЙЦЭТГЭХ ЗАХИРАЛ
Очирбатын Батжаргал
Эрсдэл хариуцсан захирал
Гантулгын Халиунаа
Үйл ажиллагаа хариуцсан захирал
Гомбосүрэнгийн Хонгорзул
Байгууллагын даатгалын газрын захирал
Хавдений Нургүл
Иргэдийн даатгалын газрын захирал
Дэмбэрэлийн Билгүүн
Байгууллагын даатгалын газрын захирал
ХҮНИЙ НӨӨЦ
НИЙГМИЙН ХАРИУЦЛАГА
ТЭНГЭР ТӨГӨЛ
Бид 2021 онд нийт харилцагч, түншүүдтэйгээ хамтран мод тарьж, байнгын усалгаатай төгөл байгуулсан. Тодруулбал Үндэсний цэцэрлэгт хүрээлэнд 3 га газарт өөрийн нэрэмжит Тэнгэр Төгөлийг байгуулж мод тарих, тохижуулах, усалгааны системийг нь бүрэн шийдэж, тарьсан модны арчилгааг бүрэн хариуцан ажиллаж байна. 2023 оны хаврын тарилтад Шар хуайс (60ш), Бургас (60ш), Голтбор (60), Гүйлс (70ш) зэрэг 4 төрлийн мод тарьснаар нийтдээ 11 төрлийн 1,550ш модтой боллоо. Мод дагаж ус, ус дагаж амьдрал гэдэг. "Тэнгэр Даатгал" ХХК-ийн хамт олон ирээдүй хойч үедээ амьсгалах цэвэр агаар, ногоон байгууламжийг үлдээх зорилго өвөрлөн "Тэнгэр Төгөл"-ийг жилээс жилд өргөжүүлж, модны ургалтад анхаарал хандуулан ажилласаар байх болно.
Зүрх Мартахгүй
2020 онд Тэнгэр Даатгал компани нийгмийн хариуцлагын хүрээнд хүүхдийн зүрхний төрөлхийн гажгийг үнэ төлбөргүй эмчлэх санаачлага гарган ажиллаж буй “Зүрх Мартахгүй" төслийг дэмжиж төслийн хамт олонд 20 сая төгрөг хандивлалаа.
eDoctor
Монголын хамгийн анхны эрүүл мэндийн цогц платформ юм. Улс орны хувьд ард иргэдэд эрүүл мэндийн боловсрол олгож хэрхэн өвчин эмгэгээс урьдчилан сэргийлэх, хамгаалах зэрэг мэдлэгийг олгох нь нэн чухал асуудал байдаг. Уг хэрэгцээ шаардлагад үндэслэн бид бүх насныханд зориулсан эрүүл мэндийн боловсрол олгох цогц платформыг нэвтрүүлсэн билээ. Бид өдгөө 1 сая гаруй тогтмол уншигчтай болсон бөгөөд мэргэжлийн эмч нарын бэлтгэсэн 250 гаруй өвчний дэлгэрэнгүй мэдээлэл, 100 гаруй зөвлөмж нийтлэл, шинж тэмдэг дээр суурилсан өвчний асуумж ба зөвлөмж, эрүүл мэндийн тооцоолуур, эмнэлэг хайх зэрэг олон зүйлийг нэг дор багтаасан өргөн мэдээллийн сантай болоод буй.
ASUUNA
Өсвөр нас бол эрсдэлтэй зан үйлд татагдах хамгийн өндөр эрсдэлтэй үе байдаг тул энэ хугацаанд хүүхдийг үнэн зөв, баталгаатай, мэргэжлийн мэдээллээр хангах нь чухал юм. Уг хэрэгцээ шаардлагад үндэслэн бид 2022 оноос эхэлж ASUUNA платформыг хэрэглээнд нэвтрүүлээд байна. Энэхүү платформ нь 13-18 насны хүүхдүүдэд эрүүл мэнд, үерхэл нөхөрлөл, сэтгэл зүй, өсвөр насны хөгжлийн онцлогтой холбоотой үүсдэг олон асуултуудад мэргэжилтнүүдийн бэлтгэсэн хариултыг хүргэдэг.
КОМПАНИЙН ЗАСАГЛАЛЫН КОДЕКС
ТАЙЛАН
ЖИЛИЙН ТАЙЛАН
2020 оны Хоёрдугаар улирлын тайлан
2021 оны Нэгдүгээр улирлын тайлан
2024 оны жилийн тайлан
2023 оны Хоёрдугаар улирлын тайлан
2022 оны Дөрөвдүгээр улирлын тайлан
2023 оны жилийн тайлан
2020 оны жилийн тайлан
2019 оны жилийн тайлан
2018 оны жилийн тайлан
2017 оны жилийн тайлан
2016 оны жилийн тайлан
2015 оны жилийн тайлан
2013 оны жилийн тайлан
2024 оны Хоёрдугаар улирлын тайлан
2024 оны Нэгдүгээр улирлын тайлан
2023 оны Дөрөвдүгээр улирлын тайлан
2023 оны Гуравдугаар улирлын тайлан
2021 оны Дөрөвдүгээр улирлын тайлан
Холбоо барих
Даваа-Баасан: 08:30-19:00
Бямба,Ням: Амарна
CITY CENTER, 11 давхар СБД, 8-р хороо, Улаанбаатар, Монгол улс
© Copyright 2024, Tenger Insurance
Developed by Ubisol.LLC
