Орон сууцны даатгал

Таны орон сууцанд цахилгаан, сантехник, гал түймэр, дэлбэрэлт болон байгалийн эрсдэлүүдээс үүдэх хохирлоос хамгаална.

Бүтээгдэхүүний танилцуулга

Давуу талууд

ОРОН СУУЦ ЗАХ ЗЭЭЛИЙН ҮНЭЛГЭЭГЭЭР ДААТГАНА

Орон сууцны даатгалын үнэлгээг зах зээлийн үнэлгээгээр тогтооно.

ЦОГЦ ХАМГААЛАЛТ

Таны орон сууцны гал, ус, цахилгааны эрсдэлийг даатгаж хамгаална.

ХҮСЭЛТ ИЛГЭЭН ДААТГУУЛАХ БОЛОМЖТОЙ

Та өөрийн орон сууцаа хүсэлт илгээн даатгуулах боломжтой.

Хамгаалалтууд

БАЙГАЛИЙН ЭРСДЭЛ

Аянга буух, Аадар бороо, мөндөр, усны үер, Хүчтэй салхи, цасан болон шороон шуурга, Газар хөдлөлт, ой хээрийн түймэр

ГАЛЫН ЭРСДЭЛ

Даатгалын зүйлээс хамааралгүй гадны нөлөөтэй гал түймэр болон гадны нөлөөтэй тэсрэлт, дэлбэрэлт

УС ЧИЙГИЙН ЭРСДЭЛ

Сантехникийн ус алдалт, дээврийн усны нэвчилт

Цахилгааны эрсдэл

Гадны нөлөөтэй цахилгааны өндөр хүчдэл, хэт хэлбэлзэл, богино холболт, цахилгаан шитний гэмтэл, гал хамгаалагч, хувиарлагч, тусгаарлагчийн гэмтлээс үүдсэн цахилгааны эрсдэл

ДААТГАЛЫН ХАМГААЛАЛТ
Даатгалын эрсдэлүүд		Даатгалын хураамж буюу төлөх дүн (₮)
1	Байгалийн эрсдэл	Орон сууцны зах зээлийн үнэлгээний 0,13%
2	Галын эрсдэл
3	Ус чийгийн эрсдэл
4	Цахилгааны эрсдэл

НӨХӨН ТӨЛБӨР ОЛГОХ НӨХЦӨЛ

Даатгуулагчаас даатгалын тохиолдол болсон өдрөөс хойш хуанлийн 60 хоногийн дотор ирүүлсэн шаардлага хангасан, бүрэн гүйцэд, үнэн зөв нөхөн төлбөрийн баримтуудыг үндэслэн нөхөн төлбөрийг шийдвэрлэнэ;
Даатгагч нь гэрээнд заасан хугацаанд нөхөн төлбөрийг олгоогүй бол хоног тутамд гүйцэтгээгүй үүргийн үнийн дүнгийн 0.5 хувиар алданги тооцон Даатгуулагчид олгоно.
Даатгалын тухай хуулийн 8.7-д заасныг үндэслэн Даатгагчийн Даатгуулагчид олгосон нөхөн төлбөр, түүнтэй холбогдон гарсан бусад зардлын хамт буруутай этгээдээс нэхэмжлэх Даатгуулагчийн эрх нь Даатгагчид шилжинэ.
Даатгалын зүйл, түүний тодорхой хэсгүүдэд учирсан хохирлыг Даатгагч солих, сэлбэх эсвэл бодит үнээр нөхөн төлөх эсэхийг өөрийн сонголтоор шийдвэрлэнэ. Энэ тохиолдолд тухайн нөхөн төлөгдсөн эд зүйл нь Даатгагчийн эзэмшилд шилжинэ.
Гэрээний хугацаанд олгогдох нөхөн төлбөрийн нийт хэмжээ нь даатгалын зүйлийн зах зээлийн үнэ болон даатгалын үнэлгээ хоёрын аль бага байна.
Даатгагчийн санаачилгаар нөхөн төлбөрийн хэмжээг харилцан тохиролцож шийдвэрлэж болно.

НӨХӨН ТӨЛБӨР ОЛГОХГҮЙ НӨХЦӨЛ

Гэрээгээр хамгаалагдаагүй эрсдэлийн улмаас учирсан хохирол;
Даатгуулагч ослын талаар нэн даруй эрх бүхий байгууллагад мэдэгдэж ослын шалтгаан нөхцөлийг тогтоолгоогүй, шалтгаан нь тодорхойгүй буюу нотлох боломжгүй;
Гэрээний хүчин төгөлдөр хугацаанаас өмнө болон дараа нь үүссэн хохирол;
Энэхүү гэрээний 4.2-д заасны дагуу даатгалын тохиолдлын тухай Даатгагчид мэдэгдээгүй, учирсан хохирлыг нотлох баримт, дүгнэлт, нөхөн төлбөрийн хэмжээг тогтооход шаардлагатай бүрэн гүйцэд баримт бичиг, мэдээ мэдээллийг Даатгагчид ирүүлээгүй;
Даатгуулагч даатгалын тохиолдол бий болох буюу бий болохуйц нөхцөл орчныг бүрдүүлсэн, ихэсгэсэн, түүнчлэн мэдэгдэж буй буюу мэдэх боломжтой эрсдэлээс зайлсхийгээгүйгээс учирсан хохирол;
Даатгуулагч буруутай этгээдээр хохирлоо нөхөн төлүүлсэн, төлүүлэхээр шүүхийн шийдвэр гарсан бол уг шийдвэрт заасан хэмжээгээр эсхүл буруутай этгээдээс хохирлыг нэхэмжлэн авах Даатгагчийн эрхийг Даатгуулагч ямар нэгэн байдлаар шууд болон шууд бусаар хязгаарласан;
Гэрээнд өөрөөр заагаагүй бол даатгалын тохиолдлоос үүдсэн шууд бус хохирол, эдийн засгийн болон санхүүгийн алдагдал, учирсан хохирлын үр дагавраас үүсэх аливаа хохирол, төлбөр, анз, шийтгэвэр;
Даатгуулагч Даатгагчид мэдэгдэж, зөвшөөрөл авалгүйгээр ямар нэгэн санал гаргах, төлбөр хийх эсвэл аливаа саналыг хүлээн зөвшөөрөх, хохирлыг өөрөө нөхөн барагдуулах оролдлого хийсэн;
Даатгалын зүйлийн байршиж буй газар, шороо, хөрс, агаар, газрын хэвлийн болон байгаль, хүрээлэн буй орчинд учирсан хохирол, тэдгээрийн бохирдол, үр дагавраас үүдсэн хохирол;
Даатгалын зүйлийн өмчлөгч, эзэмшигч, зориулалт өөрчлөгдсөн тухай Даатгагчид мэдэгдээгүй бөгөөд гэрээнд өөрчлөлт оруулаагүй, шинэ өмчлөгч, эзэмшигч, эсхүл зориулалтыг өөрчлөн ашиглах явцад хохирол учирсан;
Даатгуулагч даатгалын зүйлд учирсан хохирлыг Даатгагчид мэдэгдэж, зөвшөөрөл авалгүйгээр нөхөн сэргээсэн бол зах зээлийн үнээс давсан хэсэгт нь нөхөн төлбөр олгохгүй;
Хууль болон гэрээнд өөрөөр заагаагүй бол Даатгуулагчид хууль тогтоомж болон гэрээгээр хүлээлгэсэн үүргийг ноцтой зөрчсөн үйлдэл, түүний үр дагавраас учирсан хохирол;